RGPD - Cookies
Galicia Vigo al día

O BNG pregunta ao goberno de Vigo o motivo de non empregar 2 millóns do superávit de 2019

Hai uns días o alcalde asegurara que non había cartos para desinfectar os parques infantís

O BNG interpelou ao Goberno local, polo motivo de que non se empregasen 1.969.000€ do superávit de 2019.

Xabier P. Igrexas, concelleiro do Bloque asegurou «non comprender a razón pola que non se bota man destes recursos extraordinarios». «Nun contexto de tantas as necesidades na cidade derivadas da pandemia do coronavirus, o que cómpre é precisamente utilizar todos os recursos e capacidades das que dispón o Concello», argumentou.

Para Igrexas o feito de ter «ociosos» preto de 2 millóns, cando hai uns días o alcalde decidía fechar a metade dos parques infantís alegando o elevado custo da súa desinfección, só se debe «á falla de vontade política e de capacidade de xestión» do Goberno local.

Malia contar coa presenza do concelleiro de Facenda, Jaime Aneiros, na comisión informativa o Goberno local non deu resposta a esta cuestión.

También te puede interesar