O Concello de Tui procedeu ao precintado e vallado da parte inferior do Parque Infantil situado a carón dos Xardíns de Troncoso. Esta decisión vén motivada polos «reiterados actos vandálicos» que estaban a rexistrarse.
Recentemente renováranse distintos elementos do parque logo do seu acondicionamento para cativos e cativas de 0 a 5 anos.
O parque so apareceu con pintadas nos elementos de xogo, numerosos desperfectos, mesmo o roubo de parafusos ou lixo tirado por esta área de lecer infantil.
Desinfección diaria
O Concello informa que, a diario se realiza a desinfección dos parques infantís nos municipio, e dos seus elementos. Séguese nos mesmos o protocolo COVID que se puxo en marcha dende a reapertura destas zonas.
Lémbrase amais as normas de uso dos mesmos coma desinfección de mans co xel hidroalcóholico, distancia de seguridade e limitación de aforo cun máximo de dous nenos por xogo infantil e un máximo de 2 persoas por banco público.
