Alberto Pazos Couñago, candidato número 11 da lista do Partido Popular por Pontevedra, estará no Parlamento de Galicia a vindeira lexislatura.
O voto emigrante fixo perder ao Partido dos Socialistas de Galicia (PSdG-PSOE) o seu sexto escano pola provincia, que correspondía á xornalista Noelia Otero.
O reconto de votos do Censo de Residentes Ausentes (CERA), finalizado este luns, deu ao PPdeG 746 papeletas; ao BNG, 414; e ao PSdeG, 340.
Deste xeito, o PP reforza a súa maioría con 42 deputados na Cámara galega; o BNG mantén os seus 19 escanos e os socialistas perden un e quedan con 14 representantes.
