RGPD - Cookies
Galicia Vigo al día

Vigo recibe 1,8 millóns do Fondo de Compensación Local

Os concellos da área territorial de Vigo recibirán do Fondo de Cooperación Local preto de 3,7 millóns de euros correspondentes coa liquidación do 2018 e as entregas a conta ás corporacións locais das cantidades do primeiro trimestre do ano en curso.

Entre os municipios da área, a cidade de Vigo, no grupo dos municipios de máis de 50.000 habitantes, é a que percibe a maior contía, 1.843.121,55€. No Morrazo, Moaña e Cangas reciben 161.784,06€ e 221.638,37 respectivamente; e no Val Miñor, corresponden 158.964,75 a Gondomar, 169.006,84 a Nigrán e 150.927,59€ a Baiona.

En A Louriña, Mos e O Porriño perciben 134.404,66 e 153.609,53€; mentres Redondela recibe 241.409,04; Pazos de Borbén 54.179,35; Fornelos de Montes 54.364,33; Salceda de Caselas 40.750,14; Soutomaior 85.141,52 euros e Salvaterra do Miño 144.099,05€.

Se trata, indican dende a Xunta, de «fondos non finalistas», é dicir que os municipios destinan libremente a obras e servizos de competencia municipal, aos que hai que sumar outras liñas de axuda e subvencións das distintas consellerías, así como a dotación correspondente ao Fondo de Compensación Ambiental.

En canto a fórmula de distribución, o reparto faise en base a criterios obxectivos pactados previamente coa Federación Galega de Municipios e Provincias (Fegamp), cun peso específico aos relativos á poboación -especialmente o número de habitantes pero tamén o número de persoas maiores de 65 anos-, así como a superficie do concello e a cantidade de núcleos de poboación.

También te puede interesar