O alcalde instou hoxe á Xunta a decretar a gratuidade do aparcamento do Hospital Álvaro Cunqueiro, tendo en conta a gravidade da situación que estamos a atravesar.
Abel Caballero subliñou a “importancia e conveniencia” desta medida neste momento de “pico” de asistencia a hospitais. Na súa comparecencia, Caballero lembrou que o Concello suprimiu a XER (Xestión de estacionamento regulado) o que afecta a zonas tan sensibles como os aledaños de Povisa, engadindo que non se tramitará ningunha denuncia imposta desde que se decretou o ‘Estado de Alarma’.
