RGPD - Cookies
Destacados Vigo al día

@anaponton anuncia en Vigo que @obloque quere «respostas propias» aos retos que enfronta Galicia

Ana Pontón, candidata do BNG á Presidencia da Xunta, comentou este martes en Vigo que o Bloque fará unha campaña electoral no que dará o protagonismo ao debate de ideas e non ao cruce de críticas. Pontón indicou que Galicia precisa «respostas propias» a retos moi importantes, coma a diversidade, a globalización, o cambio climático, a despoboación, a crise industrial, a demografía ou ao grave problema da emigración.

Para iso, subliñou, o BNG potenciará o talento e a enerxía, dentro dun «proxecto novo e inclusivo» con alternativas para o futuro que ten que acabar coa sumisión a Madrid e desenrolar o grande potencial que ten Galicia sumando e ilusionando a máis persoas.

A ex deputada de Marea Alexandra Fernández, candidata do Bloque

Pontón fixo estas declaracións nun acto público na cidade no que deu a benvida a persoas ata agora vencelladas a a outras formacións e que amosaron a súa disposición a traballar co BNG nesta cita electoral, a máis coñecidad delas a ex deputada de Marea, Alexandra Fernández, quen irá na lista do BNG no número 3 por Pontevedra.

Fernández explicou que a súa integración na candidatura do Bloque era o resultado dunha «reflexión» na que ela, e as persoas que agora van a apoiar ao BNG, chegaron á conclusión de que o  pacto con opcións políticas «estatales»-en referencia a Podemos coa que tivo serias discrepanbcias- estaba «esgotado», dado que eses pactos «obrigan a facer renuncias», o cal fixo que volveran á vista hacia a necesidade de «reforzar o espacio soberanista no que o BNG é o único que ten un proxecto alternativo» para Galicia.

 

También te puede interesar