RGPD - Cookies
Galicia Vigo al día

@bngvigo reitera o seu apoio á peonalización da Porta do Sol e o seu rexeitamento do túnel

O concelleiro do BNG de Vigo, Xabier P. Igrexas, mantivo unha xuntanza con representantes do colectivo ‘Vigo Histórico’ para falar do túnel que pasara baixo á Porta do Sol, Elduayen e pode que, de aprobarse a rectificación do proxecto inicial, tamén do Paseo de Alfonso.

Logo de reiterar que o Bloque está dacordo en «converter a Porta do Sol nun grande espazo peonil» apostando, como sempre fixo o BNG por darlle más espazo ás persoas sobre os coches-  como proban a peonalización do Calvario, Praza da Constitución ou da Praza da Independencia cando o Bloque estivo na Alcaldía de Vigo- Xabier.P Igrexas deu o seu apoio aos veciños e colectivos socias que están en contra da construción deste túnel.

Para o concelleiro o inicio das obras é «apresurado e sen as mínimas garantías», e a intención de prolongar o túnel agora até o Paseo do Afonso, impediría a peonalización do paseo.

A xuízo do BNG «non hai xustificación para o túnel. É unha actuación irracional en termos de deseño urbano, insustentábel a nivel ambiental porque soterra o tráfico pero non o reduce», resumiu.

Patrimonio

Despois de asegurar que «inda estamos a tempo de parar esta tolemia», demandando a paralización das obras, o Bloque anunciou que con carácter inmediato se dirixirán á Dirección Xeral de Patrimonio da Xunta e anticipan que promoverán as iniciativas que foren necesarias no Parlamento galego, para reclamar a efectiva protección sobre os restos arqueolóxicos e os bens protexidos que poidan ser afectados polas obras.

Lembran que en 2011 xa se puido comprobar, nas obras de superficie, o grande alcance de afeccións arqueolóxicas relacionadas coa antiga muralla da cidade. «Non se pode xogar coa historia da cidade polas presas para inaugurar unha macro obra», advirten.

También te puede interesar