A ‘Marcha Mundial das Mulleres’ e ‘Os Ninguéns’, co gallo do 200 anos do nacemento de Concepción Arenal, «queremos renderlle a homenaxe que se merece o labor social e intelectual desta gran autora do século XIX iniciadora da socioloxía de xénero».
Segundo os organizadores deste acto-no MARCO, o vindeiro venres, día 31 ás 19:30h.- Concepción Arenal «describiu o sistema sexo xénero” sinalando os aspectos sociolóxicos que están na orixe da situación das mulleres, e tamén na dos homes e na das crianzas nas diferentes clases sociais.
Educación, traballo e criminoloxía son os grandes temas mediante os que se achega a un «coñecemento profundo da sociedade patriarcal deste século», mostrándoa como unha das grandes sociólogas de xénero do século XIX. «Se non ten o recoñecemento que debería é precisamente por ter feito suxeito do seu estudo as mulleres combatendo a socioloxía androcéntrica.»
«Precursora do feminismo», dende nova loitou por romper os canons establecidos para a muller, rebelándose contra a tradicional marxinación do sexo feminino, e «reivindicando a igualdade» en todas as esferas sociais
