RGPD - Cookies
Galicia Sucesos

Medio Rural mantén ata novo aviso a prohibición de realizar queimas agrícolas e forestais

A Consellería do Medio Rural informa de que as queimas de restos agrícolas e forestais amoreados seguen prohibidas en Galicia ata novo aviso, tendo en conta a variabilidade das previsións meteorolóxicas para os vindeiros días.

A decisión tomouse tendo en conta que a normativa que regula as medidas relativas á prevención de incendios forestais, á protección dos asentamentos no medio rural e á regulación de aproveitamentos e repoboacións forestais, prohibe as queimas cando as condicións meteorolóxicas así o estimen.

Así mesmo, Medio Rural pide colaboración da cidadanía para que extreme as precaucións e denuncie calquera actividade delituosa incendiaria da que teña coñecemento, tanto ás Forzas e Corpos de Seguridade do Estado como a través do teléfono anónimo de denuncias destas condutas, o 900 815 085.

También te puede interesar