O 061 asistiu durante a fin de semana a 50 persoas debido a 39 accidentes de tráfico ocorridos nas estradas galegas.
A Central de Coordinación do 061 recibiu nestes días 49 chamadas. Estas alertas xeraron 39 asistencias sanitarias por parte do persoal do 061.
Os recursos sanitarios mobilizados foron 46. As ambulancias asistenciais de soporte vital avanzado atenderon en tres accidentes. As ambulancias asistenciais de soporte vital básico, 39 . Os equipos sanitarios de Atención Primaria que medicalizan as ambulancias asistenciais prestaron asistencia en dous accidentes. As ambulancias convencionais asistiron en dúas ocasións.
En 41 casos os feridos foron trasladados a centros sanitarios e en nove ocasións atendeuse no propio lugar do incidente.
