RGPD - Cookies
'Qué te cuentas?' Comarcas

@depo_es aproba un investimento de 52.000€ máis a Redondela dentro do Plan Concellos

O Goberno da Deputación de Pontevedra vén de aprobar un novo investimento a Redondela ao abeiro do Plan Concellos por un total de 51.988,12€. Segundo indican dende a administración provincial, trátase dunha axuda que se destinará ao acondicionamento e mellora de camiños municipais en Vilar de Infesta, Cesantes e Santo André de Cedeira.

O goberno provincial, a través do Plan, xa adxudicou outras axudas para o municipio co fin de subministrar caucho para a mellora das condicións funcionais do céspede artificial de dous campos de fútbol, a subministrar o equipamento deportivo para a pista deportiva da alameda de Redondela, a reordenar o aparcadoiro anexo á alameda de Chapela, subministrar un piano de cola para o edificio multiusos da Xunqueira, subministrar dúas cortinas verticais para o pavillón polideportivo municipal A Marisma, subministrar un palco modular para a celebración de distintos eventos na parroquia de Chapela, subministrar megafonía para o pavillón polideportivo municipal A Marisma, o pavillón de Redondela e o pavillón de Chapela, acondicionar e mellorar a Rúa Campo das Redes e a Rúa Hospital, renovar as redes de saneamento e abastecemento na rúa Patrimonio, sanear os camiños Mouriño, Paparoxo e Subida Rabexa e mellorar camiños municipais no Viso e en Reboreda.

No que corresponde á liña 2, a Deputación de Pontevedra destinou 111.669,37€ a gastos correntes relacionados coa enerxía eléctrica e o servizo de xestión tributaria. Tamén, outros 227.128,81€ foron destinados á financiación da contratación de traballadoras e traballadores que están a desempeñar funcións no concello, dentro da liña 3 de emprego.

Dende a Deputación sublíñase que a institución provincial “destina este ano a Redondela, a través do Plan Concellos, un total de 2.005.212,11€, un 72,85 % máis que en 2017”.

También te puede interesar