Dende este sábado pasado, día 30 xuño, está en marcha en As Neves, dentro da celebración da XIII Festa do Tinto das Rías Baixas, a ‘Ruta dos Pinchos’, na que participan seis establecementos hostaleiros locais: Vide Vide, Chiringuito, Fausto, Valeriano, Donde Vamos? e Era Visto ofrecen tapas e un viño por 2,5€, unha ‘oferta’ que seguirá ata o vindeiro venres, día 6 de xullo.
Cata e cine
Este mesmo mércores,, coa finalidade de poñer en valor os tintos das Rías Baixas, o enólogo David Pascual dirixirá unha cata profesional.: a cita será as 8 e media da tarde e as reservas poden facerse chamando ao teléfono 679 453 206. A XIII Festa do Tinto das Rías Baixas ofrecerá o mércores e xoves, 4 e 5 de xullo, o ciclo ‘Cine e viño’ coa proxección da película ‘Entre Copas’ e do documental ‘O Viño de Rubiós’, os dous pases serán ás 8 e media da tarde na Biblioteca Municipal.
Doutra banda, a adega Señorío de Rubiós acollerá unha sesión de ‘Viño e Jazz’ cun concerto de Jazzic-piano guitar, o venres, día 6 ás 9 e media da noite. O prezo será de 6 euros –xunto coa degustación de dous viños e unha tapa-. As poden facerse chamando ao teléfono 986 66 72 12 o mandando un correo ao enderezo [email protected].
