Unhas trinta persoas se sumaron á plantación na parcela cedida para reforestar con árbores autóctonas coma carballos, castiñeiros, acivros, loureiros ou abeleiras, que foron aportadas polo colectivo.
Ao mesmo tempo, o Concello de Salceda de Caselas promoveu unha iniciativa para que as comunidades de montes do mesmo coñezan outros xeitos de explotación alternativos ao eucalipto. Xosé Antón Araúxo, presidente da Comunidade de Montes de Couso acompañou aos representantes a unha visita onde lles explicou as iniciativas que están a levar adiante: plantación de froitos vermellos,planta de produción de sitake e explotación alternativa de madeira.
Neste espazo o ‘Comando Ghichas’ recolleu tamén sinaturas para a Iniciativa Lexislativa Popular na Defensa do Bosque Autóctono e a loita contra os incendios forestais, campaña iniciada o pasado 20 de decembro pola plataforma “Cousa de Raíces” a iniciativa do grupo ecoloxista ADEGA.
