A Axencia de Doazón de Órganos e Sangue (ADOS), vén de alertar que as reservas dos grupos sanguíneos Cero negativo (0-) e A positivo (A+) atópanse baixas en Galicia.
ADOS subliña que para poder atender as necesidades dos centros sanitarios galegos son necesarias 500 doazóns de sangue cada día, polo que reitera a importancia de acudir a doar de todos os grupos sanguíneos.
Para facilitar as doazóns, o vindeiro día 2 de xaneiro haberá unidades móbiles de ADOS en distintos concellos de Galicia, na provincia de Pontevedra estarán en Catoira-na rúa Estación-Marín-na Alameda- e Vigo-fronte ao estadio de Balaídos.
