Cultura Vigo al día

@depo_es convoca 10 prazas para funcionarios en quenda libre, incluidas na Oferta de Emprego Público de 2016

A Deputación de Pontevedra vén de convocar varios procesos selectivos para cubrir prazas vacantes no seu cadro de persoal funcionario que están incluídas na oferta de emprego público do ano 2016 (quenda libre)

O prazo para presentar as solicitudes será de 20 días naturais, contados a partir do día seguinte ao da publicación da convocatoria no Boletín Oficial do Estado (BOE), mediante extracto e previa publicación do texto íntegro das bases e a convocatoria no Boletín Oficial da Provincia (BOPPO) e o extracto no Diario Oficial de Galicia Bases (BOPPO 17/11/2017), anuncio de publicación do extracto (DOG nº226 28/11/2017).

Os postos convocados en quenda libre son: 1 praza de técnica ou técnico en Comunicación; 2 prazas de técnica ou técnico de Proxectos; 1 praza  de  enxeñeira  técnica,  enxeñeiro  técnico ou  axudante  de  Obras  públicas; 2 prazas de educadora ou educador; 2 prazas de técnica ou técnico auxiliar en Educación diúrna e 2 prazas de técnica ou técnico auxiliar en Educación nocturna.

También te puede interesar