O presidente do Goberno de Galicia anunciou este xoves que se requiriu ás empresas concesionarias do abastecemento de auga en Vigo e a súa área para que dean datos, “en tempo real”, dos resultados das análises da auga e non desbotou que a Xunta desaconselle o seu consumo se estas saen mal.
O presidente Feijóo sinalou ao alcalde Caballero ao que acusou de negar “durante 14 meses” que a potabilizadora da cidade non pode facer o seu traballo cando o caudal da auga baixa, algo que o xefe do Executivo cualificou dunha irresponsabilidade ao tempo que acusou a o alcalde de “xogar coa saúde da xente” e “facer política coa saúde”.
“O Concello terá que explicar isto”, dixo Feijóo, quen asegurou que informaría aos cidadáns, ainda que a competencia sexa do Concello.
