'Qué te cuentas?' Galicia

A ribeira do Miño, en Ourense, e o sur de Lugo e Pontevedra, en alerta laranxa por altas temperaturas

Logo dun domingo con moitísima calor, este luns ven de activarse a alerta laranxa na ribeira do Miño en Ourense e no sur de Pontevedra e Lugo agárdase un aumento notable  das temperaturas con 40 graos de máxima e 20 de mínima.

As mínimas tamén serán moi altas e agárdase que Vigo ou Pontevedra non baixen dos 22 graos, mentres que A Coruña, Ferrol e Ourense rexistrarán 19 de mínima.

O episodio de calor remitirá este martes no que agárdanse valores máis agradables e as máximas non superarán os 36 graos en Ourense.

Ante a situación, Emerxencias lembra  os seus tradicionais consellos como limitar a exposición ao sol, vixilar os cambios bruscos de temperatura, inxerir comidas lixeiras e regulares con bebidas e alimentos ricos en auga e sales minerais, como as froitas e hortalizas. Tamén evitar exercicios prolongados nas horas centrais do día e prestarlle atención ás persoas maiores ou enfermas próximas que vivan soas ou illadas.

También te puede interesar