Cultura Vigo al día

Todos os xoves deste mes e o 3,17 e 24 de agosto, volven as recreacións da vida romana na Vila de Toralla

O Concello volve organizar este verán recreacións da vida romana na Vila de Toralla. Todos os xoves de xullo e o 3, o 17 e o 24 de agosto se representarán escenas-dende as 8 da tarde e durante dúas horas– como a celebración dunha voda na antiga Roma, a venda de escravos ou unha loita entre gladiadores. Ademais, o 11 de agosto, o Centro de Interpretación do Mundo romano sumarase á celebración da Noite Branca, con programación desde ás 8 da tarde ata as 2 da mañá.

Para promocionar esta actividade divulgativa, algúns dos actores repartirán información sobre esta festa romana na praia de Samil, os mércores 12 e 26 de xullo e máis o 9 de agosto, entre ás 18,00 e ás 19,00 h.

Os visitantes que acudan á Vila Romana de Toralla para as representacións serán recibidos nas escaleiras con pétalos de flores. Nas ruínas mostrarase a vida na vila romana, onde cada personaxe interpretará o seu oficio. O patricio e a súa muller recibirán aos invitados á voda, que se representará no escenario cunha cerimonia oficiada por unha sacerdotisa, co banquete, unha venda de escravos, baile e loita de gladiadores.

O alcalde e a tenente de alcalde e edil de Patrimonio Histórico, Carmela Silva, visitaron este martes o Centro de Interpretación do Mundo Romano, na vila romana de Toralla que, coma salientou o alcalde, “é unha xoia do patrimonio histórico vigués”. Abel Caballero, lembrou “a cultura romana en Vigo tivo tanta vida”, con restos que evidencia un asentamento romano “certamente importante” neste territorio.

También te puede interesar