Seis concertos conformarán a segunda edición do Festival Illas Cíes-con actuacións en Castrelos e no Auditorio Mar de Vigo- durante as festas de verán da cidade. O alcalde explicou que con esta nova proposta «queremos seguir consolidando un gran evento musical en Vigo, como un festival de referencia para actuacións exclusivas e citas con grandes artistas internacionais».
‘The Pretenders’ abrirá o mesmo, o 20 de xullo, no auditorio de Castrelos. A banda liderada por Chrissie Hynde, presentará o seu disco «Alone» tras oito anos de silencio; a segunda cita será o 21 de xullo no Auditorio Mar de Vigo co concerto de «Uxía e a Real Filharmonía de Galicia», a artista repasará os seus 35 anos de carreira, acompañada polos músicos da orquestra. Roger Hodgson, antigo líder e voz icónica de ‘Supertramp’ tocará o 14 de agosto tamén no Auditorio Mar de Vigo.
Como subliñou Abel Caballero, o festival “é unha acción máis de promoción da candidatura do arquipélago como Patrimonio da Humanidade”.
