RGPD - Cookies
'Qué te cuentas?'

Condenada a pagar os 320.580€ que cobrou cun décimo da Lotería de Nadal que atopou e non devolveu á súa propietaria

O Xulgado do Penal número 2 de Lugo ven de condenar, por un delito de apropiación indebida, á muller acusada de cobrar un décimo da Lotería de Nadal do ano 2014 que resultou agraciado co primeiro premio.

Segundo indica o Tribunal Superior de Xustiza de Galicia (TSXG), na sentenza considérase probado que a acusada se atopou o décimo e, unha vez comprobou que estaba premiado, borrou unha inscrición a lapis que a súa lexítima propietaria fixera na parte posterior do boleto antes de presentalo ao cobro nunha oficina bancaria.

O maxistrado a condena ao pago dunha multa de 1.080€  e a indemnizar á denunciante en 320.580€, a cantidade que percibiu polo premio unha vez deducidos os impostos legais. A sentenza non é firme e contra a mesma cabe recurso ante a Audiencia Provincial.

También te puede interesar