Cultura

@PepeSolla namora aos asistentes á Feira do Requeixo e do Mel de As Neves ‘cociñando’ o seu pregón

Imágenes:vigoalminuto.com/Milleiros de persoas achegáronse este venres santo ao concello de As Neves para degustar as 20.000 racións de requeixo e de mel que se serven dende as 10 e media da mañá na XXVI edición desta festa.

Este xoves, día 13, os amantes destes dous sabores tiveron a ocasión de coñecer a súa orixe no roteiro ‘Descubrindo Cerdeira. Orixes do requeixo e do mel’ e gozaron, pola noite, no Auditorio Municipal, da actuación de Malvela, un auténtico pracer e un luxo para as ducias de persoas que nos achegamos a As Neves.

Este mesmo venres, logo da actuación do grupo de música e baile tradicional ‘A Barca de Loimil’, e das palabras do alcalde, Xosé Manuel Rodríguez-nas que tivo unha lembranza, este 14 de abril, para o seu antecesor republicano no cargo e para o falecido hai ben pouco Manuel Damaro-, chegou a hora do pregón que, coma puideron apreciar os asistentes, non se parecía en nada a ningún dos pronunciados nas 25 edicións anteriores desta festa do Requeixo e do Mel.

O encargado do mesmo foi o cociñeiro Pepe Solla, dono dunha Estrela Michelín, que dirixiuse aos asistentes coma mellor o fai él: cociñando, en directo, con produtos naturais, de tempada, e da zona. Solla, ao tempo que foi montando os prato, foi explicando, polo miúdo, de qué xeito emprega él o requeixo na cociña e coma o incorpora ás súas receitas.

A Festa do Requeixo e do Mel  segue coa degustación dos dous produtos xuntos, a 1,5€ a ración e, xa pola tarde, con diferentes actividades para os pequenos, entre elas, ás 5 da tarde, o espectáculo de Peter Punk ou do grupo Ronco&fol.

También te puede interesar