Cultura Galicia

O 18 de abril ábrese o prazo para presentar as solicitudes para opositar a 1.043 prazas de profesores

Como publica este mércores a Consellería de Educación, dende o vindeiro martes, día 18 de abril, e ata o 9 de maio estará aberto o prazo para formalizar a matrícula nas oposicións convocadas polo Goberno de Galicia para cubrir 1.043 prazas de profesores– 540 para Ensino Secundario, 80 para profesores de Formación Profesional, 400 para Mestres e  23 para profesores de música e artes escénicas.

A Administración Galega sinala que as solicitudes se presentarán, preferiblemente, por vía telemática para o cal poderá empregarse calquera dos mecanismo identificación e sinatura que están reguladas na Sede Electrónica, mesmo o sistema de usuario e clave ‘Chave365’.

Ademais, de xeito opcional, será posible presentar as solicitudes en persoa en calquera dos rexistros que recolle a norma do  procedimento administrativo común.

También te puede interesar