A CIG-Servizos desenvolveu este venres unha nova mobilización contra a vaga de despedimentos no grupo Eroski en Vigo. Un grupo de traballadores e delegados sindicais da central concentrouse nesta ocasión ás portas dun supermercado da empresa vasca de distibución en Mos, onde despregaron unha faixa e berraron consignas contra a represión laboral.
Dende o sindicato alertan de que a firma “aplica a reforma laboral do PP para desfacerse dos empregados con máis tempo na empresa para seguir a contratar traballadores a tempo parcial, aumentando así a precariedade e pagando salarios de miseria”.
Diante disto, reclámanlle á empresa que dea marcha atrás e readmita a todos os traballadores despedidos.
