169.353 galegas cobraban igual ou menos que o salario mínimo interprofesional en 2015- daquela estaba en 648,6€ ao mes- unha cantidade que, segundo Comisións Obreiras sinala que existe «pobreza salarial» e unha grande desigualdade salarial de xénero que vai en aumento.
A responsable da área de muller de CCOO, Mabel Pérez, esixiu ao Goberno de Galicia que elabora e aplique un plan feminino de emprego, que identifique onde están as carencias e oriente a formación laboral das galegas.
Coma anticipo do ‘Día da Muller’ o vindeiro 8 de marzo, Comisións presentou o seu estudo sobre a situación laboral das galegas que, entre outros datos reflicte que as galegas cobran un 22,1% menos que os galegos realizando o mesmo traballo.
O informe tamén recolle os últimos datos da Axencia Tributaria que indican que o 36,34% das galegas teñen ingresos inferiores aos 650€ ao mes, o que , insiste o sindicato, quere dicir que hai máis traballadoras pobres.
