RGPD - Cookies
Comarcas

@ConcelloNigran denuncia o estado de abandono no que ten @Xunta o exterior do Centro de Saúde de Panxón

O Concello de Nigrán ven de denunciar o “estado de completo abandono no que a Xunta mantén o exterior do Centro de Saúde de Panxón, un edificio que foi inaugurado en xuño do ano pasado”.

Así, indica o Goberno local, o terreo de natureza dunar de 4.395 metros cadrados sobre o que se asenta esta moderna construción de 1.375 metros cadrados, ofrece una imaxe de deixadez e descontrol absolutos, funcionando na práctica como “aparcamento improvisado” de vehículos e non como zona de recreo e lecer, que é o que se contemplaba e que realmente nunca chegou a ser.

«A imaxe é lamentable: o sistema de rego está roto debido aos vehículos, ás árbores están secas, o terreo totalmente descoidado… O contraste entre o edificio moderno e o exterior é brutal», sinala o alcalde, Juan González, quen incide en que prácticamente tódalas semanas recibe queixas de veciños.  Neste sentido, urxe á Xunta a que tome cartas no asunto e recupere este espazo, «O ano pasado lle demos autorización para facer un peche perimetral e todo segue igual, no verán foi un caos de coches e a situación non mellorou», insiste.

O centro de saúde está construído nunha parcela que o Concello cedeu á Xunta no ano 2006, sendo o proxecto unha realidade en 2016 tras unha década de retraso.

También te puede interesar