Ex traballadores do Grupo de Empresas Álvarez (GEA) volveron mobilizarse hoxe en Vigo para reclamar o pago dos terreos que ocupaba a fábrica de louza en Cabral e Coruxo. Os ex empregados dividíronse en dous grupos dunhas 25 persoas cada un e desenvolveron concentracións ruidosas na inmobiliaria El Rocío, na rúa Colón, e no despacho do avogado José Pérez Pousa, en Urzaiz.
Ao remate das protestas os afectados anunciaron que o vindeiro martes 24 celebrarán unha asemblea no Multiusos de Arcade a partir das 6 da tarde.
