Cultura Vigo al día

@AsembleaDeCoia empeza este domingo un peche de 2 días para esixir a absolución de Diego Lores

Membros da Asemblea Aberta de Coia empezarán este domingo un peche de dous días para esixir a absolución de Diego Lores, que foi denunciado por empurrar a un axente de policía que sufriu lesións durante unha das protestas, en decembro de 2014, contra a instalación por parte do Concello do barco Bernardo Alfageme na ‘Rotonda de Alcampo’.

O peche, que se fará na Parroquia do Cristo da Victoria, en Coia, rematará o martes, día 12, ás 9 e media da mañá, para acompañar a Diego ata o Xulgado, na rúa Lalín onde os membros de Asemblea Aberta de Coia se concentrarán antes do xuízo contra Lores.

Diego Lores enfróntase a unha pena de 3 anos e medio de prisión e unha sanción de 30.356 €  por responsabilidade civil. O colectivo, que insiste na súa inocencia, fai un chamamento a sumarse a esta iniciativa para “desmontar unha montaxe policial que busca criminalizar a loita veciñal e social en Vigo, da que Lores é un dos seus referentes xa que sempre foi unha das caras máis visibles da loita da rotonda de Coia”.

También te puede interesar