A Xunta de Goberno da Deputación de Pontevedra aprobou este luns a adxudicación do contrato para a organización, desenvolvemento e execución do programa ‘Tecendo Lazos’ á empresa Forox Innovación S.L., que se encargarña do seu desenvolvemento.
O obxectivo deste programa é fomentar o envellecemento activo, mellorando a actividade física, cognitiva e social das persoas maiores e, entre as máis novas, as súas habilidades sociais e empatía de cara ao resto das xeracións.
O programa tamén ofrece un espazo de encontro e intercambio de experiencias que potencien movementos de participación e cooperación social a través de talleres englobados nas áreas ‘Riscos en familia’, ‘Coas mans nos pucheiros’, ‘Álbum familiar’, ‘Brincadeiras de sempre’ e ‘O Noso son’.
