O Consorcio Provincial Contra Incendios aprobou este martes o seu orzamento para o ano 2017, que ascende a máis de 3,2 millóns de euros nun pleno presidido pola presidenta da Deputación de Pontevedra, Carmela Silva.
Nesta xornada tamén se reuniu o consello asesor do Consorcio, no que participan representantes dos concellos de Ribadumia, Vilagarcía, O Porriño e Bueu, que foi informado do convenio entre a Deputación e Autopista do Atlántico para que os vehículos do Consorcio podan usar as vías de telepeaxe da AP-9 sen ter que deterse nas cabinas de cobro, garantindo unha maior rapidez no traslado dos vehículos de emerxencia cando teñen que usar a autopista.
O Consorcio Provincial Contra Incendios conta con catro parques nos concellos de O Porriño, Bueu, Ribadumia e Vilagarcía e desde eles prestase o servizo de extinción de incendios aos concellos da provincia salvo a Pontevedra e Vigo, que por lei teñen os seus propios servizos.
