O número de galegos e galegas anotadas nas oficinas de emprego medrou en outubro en 4.604 persoas, un 2,37% máis que o mes anterior, dacordo cos datos publicados este xoves polo Ministerio de Emprego e Seguridade Social. En total, a día de hoxe, hai 198.940 persoas en Galicia que non atopan traballo.
Outubro segue coa tendencia iniciada en Galicia logo da fin do verán, tendencia que é aínda máis acusada en Pontevedra onde se suman máis da metade de todos os novos desempregados do mes pasado: 2.649 persoas máis anotáronse nas listas do paro na provincia.
