RGPD - Cookies
Vigo al día

Os traballadores do @AeroClubVigo piden «cordura» na negociación do aluguer do chan dos montes de Cabral

aeroclub

Os traballadores e traballadoras do Real Aero Club de Vigo queren facer un chamamento «á cordura e á responsabilidade» das partes que están a negociar o aluguer dos montes de Cabral no que está instalado o club, que vence a finais de 2016. Aseguran que un mal resultado no proceso negociador podería «poñer en risco» os seus postos de traballo.

Segundo explican os traballadores, o Real Aero Club de Vigo é «unha pequena entidade sen ánimo de lucro que ten 65 anos de historia e constitúe un referente para a cidade de Vigo». A día de hoxe conta con 23 empregados (16 traballadores de plantilla, 4 profesores e traballadores de tenda e 3 da cafetería) con entre 11 e 35 anos de antigüidade na entidade e unha media de idade de 45 anos.

Os traballadores coinciden en que ao tratarse dunha plantilla pequena «o trato sempre foi bo e a relación de respecto e proximidade». Por iso insisten en amosar a súa preocupación polo futuro dos seus postos de traballo, «que en moitos casos constitúen a única fonte de ingresos dos seus respectivos fogares».

Tamén fan fincapé no feito de que, coa media de idade da plantilla, a inserción laboral no caso de despedimento pode ser «moi complexa». Por todo elo, os empregados do Real Aero Club de Vigo desexan que se chegue a un acordo «o máis xusto e rápido posible» para todas as partes co fin de rematar coa «incertidume» na que se atopan en relación cos seus postos de traballo.

También te puede interesar