Deportes Vigo al minuto

A 33ª Marcha Aspanaex destinará os fondos recadados á terapia de actividades acuáticas

A Marcha Aspanaex chega á súa trixésimo terceira edición o próximo domingo 2 de outubro co seu percorrido habitual de saída e chegada en Castrelos e cun obxectivo claro: recadar fondos para manter a terapia de actividades acuáticas desta entidade para persoas con discapacidade intelectual.

O alcalde de Vigo, Abel Caballero, animou á toda a cidadanía a participar nesta marcha, na que os vigueses se poden inscribir e conseguir o seu dorsal a través da web da entidade e en Ataquilla. O prezo, 3 euros para menores de 10 anos e persoas con discapacidade e de 5 euros para o resto. Existe tamén unha fila cero para quen queira colaborar. A organización agarda chegar aos 3.000 inscritos nesta edición.

O percorrido, de nove quilómetros, sairá de Avenida de Castrelos e rematará no parque de Castrelos. O obxectivo da Marcha Aspanaex é dar a coñecer a Asociación e sensibilizar á cidadanía e institucións sobre o colectivo de persoas con discapacidade intelectual, para apoialos e avanzar na súa plena inclusión.

También te puede interesar