Xa non hai excusa para visitar esta fin de semana Mondariz Balneario e coñecela de tapa en tapa. A vila termal celebra o seu I Concurso de Tapas ‘De viños polas termas’, que este sábado e domingo servirá para degustar as mellores tapas nun concurso que contará cun xurado profesional e outro popular.
Neste concurso participan nove establecementos: Restaurante Atalaya, Casa Riveiro, Yago’s, Regato de Valdecide, Balneario de Mondariz, Taberna Búrbida, Máis que viños, Cafeterá Chocolat e La Moderna. Os horarios de tapeo: este sábado de 11.30 a 14.00 horas e de 19.30 a 22.00 horas e o domingo en sesión vermut de 11.30 a 14.00 horas.
Entre o xurado popular, todo aquel que o desexe poderá participar e degustar por un módico precio de 2 euros unha incrible tapa e por 3,50 euros a tapa cunha copa do viño Don Pedro. Ademáis, terán á súa disposición unha sorte de pasaporte que pode recoller nos establecementos adscritos e, cun mínimo de 4 selos, participar na votación do concurso e entrar no sorteo de grandes premios: dúas botellas de viño D. Pedro de Soutomaior e Pizarras de Otero, unha visita enolóxica con cata no Pazo da Almuiña, dous bonos para o Pazo da Auga de Mondariz ou unha cea para dous no establecemento gañador.
Pola súa banda, o xurado profesional estará composto por María Abal, xerente da asociacion galega de sumilleres; José Domingo Garrido, responsable nacional de Adegas Galegas; e Iñaki Bretal, membro do prestixioso grupo Nove e cociñeiro do prestixioso restaurate O eirado da leña.
