Comarcas

@depo_es aproba unha axuda de 140.600 € para o acondicionamento do parque da Coelleira en Gondomar

concello-de-gondomarA Deputación de Pontevedra vén de aprobar unha axuda ao concello de Gondomar por valor de 140.626,82 € para o acondicionamento do parque da Coelleira, unha axuda que pertence ao Plan Concellos 2016.

Esta achega súmase á xa aprobada polo Plan Concellos con anterioridade, 354.703,53 € para a realización de obras de conservación e mantemento do material de cubrición do polideportivo municipal, para melloras enpavimentación, drenaxe e seguridade viaria do camiño de Carrasquedo de Abaixo, na parroquia de Vilaza e con destino á urbanización do espazo exterior do edificio administrativo do CDL e a realización de obras de instalacións complementarias.

Despois,28.971,46 € na liña 3 para o CMUS elemental da vila, a aula de teatro PritisGuomins, a celebración da IV Carreira a prol da Corresponsabilidade, as actividades “Gondoverán” e “Cinema da Rúa” e a realización de cursos e actividades destinadas a persoas maiores de 55 anos e, por último, 196.974,58 € destinados á contratación de 19 traballadoras e traballadores, isto último na liña 4 que o programa dedica ao emprego.

Ata agora o Plan Concellos ten acadado un investimento en Gondomar que se sitúa en 721.276,39 €, o que representa un 82,3% do total.

También te puede interesar