Deportes Destacados

Once tripulacións disputaranse a Bandeira Concello de Vigo de traiñeiras

1469805323deportesEspectacular panorama este domingo no Vao. A partir das 12.00 horas once tripulacións disputaranse a Bandeira Concello de Vigo de traiñeiras, unha proba que cumpre 30 anos e que se sitúa como a terceira máis veterana das 13 que conforman a liga galega.

Organizada polo Club de Remo Coruxo, esta suporá a novena proba do circuíto da División A da Liga Galega de Traiñeiras, que se disputará en tres quendas.

A bandeira está dotada con 9.000 euros, distribuídos dende os 1.170 euros para o gañador ata os 645 para o oitavo, noveno, décimo e undécimo. Nesta ocasión, fronte á ponte de Toralla mediranse as tripulacións de Samertolameu, Puebla, Ares, Castropol, Coruxo, Bueu, Mecos, Chapela, Amegrove, Vilaxoán e Salgado Perillo.

A saída, en dirección Samil, terá lugar dende a ponte de Toralla. O campo de regatas cubrirase en 4 largos e 3 ciabogas (5.560 metros) paralela á praia do Vao. O público poderá seguila dende a ponte de Toralla co interese engadido de que as traiñeiras pasan por debaixo.

También te puede interesar