RGPD - Cookies
Cultura

Máis de 40.000 pezas atopadas no Castro de Santa Trega

santa trega

Rematados os traballos de escavación no castro de Santa Trega. Nos 2.000 metros cadrados que se interviron, os expertos atoparon 40.000 pezas e 43 estruturas arquitectónicas que compoñen 11 unidades familiares que serviron para rachar coa idea de que o castro gardés estivera ocupado entre o século I A.C. e o I D.C, pero as probas do Carbono 14 confirman que a ocupación iniciouse antes do século IV A.C, incluso con vestixios pertencentes ao século VIII A.C.

A presidenta da Deputación, Carmela Silva, e o arqueólogo Rafael Rodríguez
A presidenta da Deputación, Carmela Silva, e o arqueólogo Rafael Rodríguez

A falta do informe avaliativo que iniciou hoxe a Deputación de Pontevedra, entre as pezas atopadas hai algunhas procedentes de Cartago, do norte de África e do sur da península ibérica. Xunto a obxectos do mundo cotiá os arqueólogos tamén atoparon outros relacionados co mundo das crenzas ou relixioso, como o Cabezón do Trega. Ademais, acháronse construcións significativas como unha edificación romana, de carácter social ou relixioso, baixo a que se sitúa a famosa gruta do Trega.

Esta actuación forma parte do protocolo asinado co Ministerio de Fomento para que a Deputación de Pontevedra acometa actuacións para poñer en valor 18 xacementos galaico-romanos da provincia. Para iso levarase a cabo escavacións tamén en Alobre, Facho de Donón, A Lanzada, Porta de Arcos e Mercado dos Mouros e labores de limpeza e mantemento, actividades de promoción, creación de ambientes museográficos e o rexistro dixital dos xacementos en 3D en todos os analizados.

También te puede interesar