Como xa fixeran hai máis dun mes, os tractores volverán tomar Lugo, ante a falta de cumprimento por parte do Goberno de Galicia e do Estado da promesa de subida dos prezos do leite, que segue igual e que «non nos da para seguir mantendo as granxas».
Os gandeiros anunciaron que, dende este xoves, van manter a protesta de forma indefinida até recibir explicacións por parte da distribución sobre o incumprimento do acordo lácteo.
A súa protesta non só se manterá no entorno da muralla: teñen pensado desprazarse aos centros de distribución para que os seus responsables aclaren cómo pòde ser que logo de asinar un acordo baixo o amparo do Ministerio de Agricultura, «subiron o prezo do leite nos lineais, pero iso non repercutiu nos produtores».
O Concello de Lugo prohibiu o estacionamento de vehículos na Rolda da Muralla a partir da noite deste mércores logo de obter a garantía dos gandeiros de que deixarán aberto un dos carrís da Rolda para non empeorar o tráfico na capital.
