Segundo ven de confirmar a Consellería de Medio Rural, pasadas as 11 da mañá deste luns, quedou controlado-non extinguido- o lume rexistrado na parroquia de Queixa, no concello ourensán de Chandrexa de Queixa.
O lume, que se iniciara onte ás 7 da tarde, queimou, dacordo coas primeiras estimacións, ainda provisionais, máis de 20 hectáreas. Na zona seguen a traballar 4 axentes forestais, 12 brigadas e 1 motobomba.
O Goberno de Galicia lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal.
