RGPD - Cookies
Ciencia y Tecnología Vigo al día

Centos de persoas denuncian en Compostela, Lugo, A Coruña e Pontevedra a «desfeita» do Cunqueiro

Urxencias Cunqueiro hai uns días
Urxencias Cunqueiro hai uns días

Centos de traballadores e pacientes da Sanidade Pública galega saíron ás rúas de Compostela, A Coruña, Lugo e Pontevedra para denunciar a privatización da Sanidade Pública e denunciar as gravísimas deficiencias, «que amosan que é así: que queren que acabemos marchando ás clínicas privadas», do Hospital Álvaro Cunqueiro.

Os voceiros das Mareas Brancas sinalaron que o Goberno de Galicia está privatizando a sanidade en cada centro de saúde, de atención Primaria, en cada hospital, «faino pouco a pouco, cunha laboura constante e calada, que agora fíxose perfectamente visible no Cunqueiro, no que se ve como empresas privadas deciden qué hai que darlle de comer a un enfermo, cando hai que operalo, o tempo que ten agardar por unha proba ou por un tratamento, qué medicamentos hai que darlle ou si está en Urxencias 12 horas, impoñendo o repago da auga ou do aparcamento».

As mareas denuncian a falla de instrumental nos quirófanos, de material en Urxencias, «ata de guantes, de instrumentos esterilizados, de mantas, cadeiras de rodas», que obrigan aos profesionais a traballar como si estiveran en hospitais de campaña «facendo o imposible por darlles aos doentes unha atención digna e sufrindo unha presión insoportabel».

Ao xuizo dos profesionais, que o presidente Feijóo despedise á anterior conselleira de Sanidade, Rocío Mosquera, para poñer no seu posto a Jesús Vázquez Almuíña, só foi para non verse salpicado pola xestión que él mesmo apoiou e que fíxo que se incrementaran as listas de espera, que os enfermos teñan que pagar por estar enfermos, que os medios para atender aos pacientes sexan «mexerentos» e que por culpa da mesma «haxa xa mortes».

«Isto só é unha operación de maquillxe porque Almuiña, ainda que tivese toda a boa intención do mundo, non vai poder decidir ningún cambio real na política deseñada por PP e por Feijóo de desmantelamento da Sanidade Pública para que quede como a sanidade dos pobres».

También te puede interesar