Comarcas

100 días do novo goberno de As Neves, “hai un goberno que xestiona, afronta os problemas e escoita aos veciños”

O primeiro tenente de alcalde e o alcalde de As Neves
O primeiro tenente de alcalde e o alcalde de As Neves

“Hai un goberno que xestiona e non que esconde a cabeza ou trata de agochar os problemas”. Esta é descripción que fan o alcalde de As Neves, Xosé Manuel Rodríguez Méndez (BNG), e o primeiro tenente de alcalde, Eduardo Mariño (PSOE), pasados os primeiros 100 días de actuación do goberno local de coalición.

Como subliñan, “estamos traballando con máis información e transparencia que nunca na historia de As Neves, contando aos veciños o qué se fai no Concello, cómo se fai e porqué se fai”. Aquí, indican, hai que lembrar que dun orzamento aprobado para este ano de 2 millóns de euros, cando chegou o novo goberno, “a metade de xuño”, quedaban 700.000 €, “que estaban xa comprometidos para as partidas de gastos correntes: en menos de medio ano o anterior goberno do PP xa gastará o 65% de todo o orzamento deixando o resto para o pago de nóminas, iluminación, auga ou o funcionamento normal da administración municipal”.

Con esa cantidade o novo goberno tivo que facer fronte ás deficiencias do saneamento,“que estaba nunha situación caótica”, subliña Mariño, que tamén é responsable da Área de Vías e Obras. “Ainda agora non sabemos cómo está todo o saneamento, porque non hai plano algún de ubicación das canalizacións que o determine…tivemos que partir de cero e, ao mismo tempo, arranxar á falla de mantemento, durante anos, das tubaxes, das decantadoras e do estado ruinoso dalgunhas conduccións”.

Tamén houbo que ocuparse do alumeado, reparando o cableado, sustituindo as lámpadas de mercurio polas de vapor de sodio para baixar o custo, que non estaba controlado, “o Concello, é dicir, os veciños de As Neves, pagaban consumos que non sabíamos de qué eran…a situación era tan desastrosa que mesmo houbo que adecuar todo o cadro eléctrico da propia casa do Concello”.

O alcalde lembra, ademáis, que nestes máis de cen días, púxose a funcionar, finalmente, o punto limpo; que houbo que facer “in extremis” as obras para que a piscina poidese abrirse, “o estado na que a atopamos, a poucos días da tempada do verán era lamentable e constituía un perigo para os usuarios”; por primeira vez en décadas está ordeada a recollida do lixo e limpáronse os colectores, “sen custo adicional para o Concello e para os veciños”; encaráronse as xestións da PLISAN, con entrevistas coa conselleira, Ethel Vázquez, a delegada da Zona Franca e o presidente do Porto de Vigo; están a piques de rematar as obras de acceso ao Centro de Saúde; fixéronse as xestións da Galiescola e do cruzamento de Setados, do colexio e aumentáronse as actividades para nenos no verán; actualizouse a colaboración co Banco de Alimentos, rematouse un novo catálogo de Servizos Sociais, “incrementando o número de persoas beneficiadas, tamén no Servizo de Atención no Fogar”; encarouse o problema da Escola Municipal de Música; rematouse o Pavillón Municipal de Deportes; “empezamos co ‘Concello Escoita’, abrindo a xestión aos veciños e escoitando, parroquia por parroquia as súas necesidades, problemas e ideas” e os Plenos celébranse os sábados para que os nevensen poidan acudir e participar en eles; acometeuse o transporte ao novo hospital; empezouse a organizar unha xornada con expertos en loita contra a avespa velutina; As Neves sumouse ao Plan de Emprego da Deputación e afrontouse o “grave problema dos roubos e asaltos a casas” con contactos co subdelegado do Goberno, co cal haberá unha entrevista nos vindeiros días, cos mandos dos Corpos e Forzas de Seguridade do Estado e coa convocatoria, o día 15 deste mes da Xunta Local de Seguridade, con presenza de “todos os partidos que están representados na Corporación xunto co máximo responsable comarcal da Garda Civil”.

También te puede interesar