Vigo al día

‘Lecer de verán’ o campamento muncipal para persoas con discapacidade, na Asociación San Francisco

O alcalde, este luns, na Asociación San Francisco/Tresyuno Comunicación
O alcalde, este luns, na Asociación San Francisco/Tresyuno Comunicación

O alcalde visitou este luns na Asociación San Francisco unha das actividades incluídas no programa municipal “Lecer de Verán”, dentro da oferta de campamentos urbanos que presenta o Concello.

Segundo explicou aos xornalistas, “Lecer do Verán” cunta cun orzamento de 31.000 €, está dirixido a persoas con discapacidade, dispón dun total de 210 vacantes e se desenvolve en formatos diferentes ao longo dos meses de xullo e agosto. Este ano 93 persoas solicitaron este programa, dez máis das peticións correspondentes ao 2014.

O programa dispón dun total de 210 vacantes e se desenvolve en formatos diferentes ao longo dos meses de xullo e agosto/Tresyuno Comunicación
O programa dispón dun total de 210 vacantes e se desenvolve en formatos diferentes ao longo dos meses de xullo e agosto/Tresyuno Comunicación

O programa inclúe o transporte gratuíto aos usuarios do programa tanto no mes de xullo como no de agosto. Neste mes, o Concello rubricou un convenio con taxistas e Vitrasa para os desprazamentos, mentres que para o próximo o transporte faise con furgonetas que ceden os centros que traballan con discapacitados na cidade.

Caballero lembrou que o Concello conta para este verán coa mesma oferta de prazas nos campamentos que o ano pasado, con propostas adaptadas para todas as idades, desde os 4 aos 35 anos, ademáis, tamén se mantén o prezo dos últimos anos, sendo algunhas das actividades totalmente de balde e, no conxunto, subvencionando a administración local o 40% do custo das mesmas.

También te puede interesar