Vigo al día

A Marea de Vigo rexistra unha moción para investigar os procesos xudiciais abertos no Concello

Rubén Pérez, voceiro do grupo municipal de A Marea de Vigo/Tresyuno Comunicación
Rubén Pérez, voceiro do grupo municipal de A Marea de Vigo/Tresyuno Comunicación

A Marea lembra que o Artigo 51 do regulamento orgánico do Pleno do Concello permite por solicitude dun grupo municipal ou do alcalde a constitución de Comisións Especiais que permitan “constituír, en calquera momento, para un asunto concreto cos fins de estudo, elaboración de propostas ou outros de natureza análoga, co ámbito de actuación que se estableza no seu acordo de creación.”

Para a Marea de Vigo, “non pode darse unha situación de oscurantismo no Pleno de situacións como as vividas no Concello en datas recentes, cando os xulgados de instrucción nº 7 e o número 1 iniciaron sendas operacións de investigación sobre presuntos delitos de contratación ilícita” que significaron que a Unidade Contra o Crime Organizado (UDYCO) realizara rexistros en dependencias municipais e incautara unha gran cantidade de documentación sobre contratos con empresas de servizos.

Para o grupo municipal de A Marea, a día de hoxe, o Pleno descoñece qué documentación foi requisada, de qué departamentos, qué información contiña e “cales son as bases da imputación dun concelleiro desta corporación neste proceso xudicial”.

A moción rexistrada insta á constitución no Pleno do Concello dunha comisión especial de investigación sobre os procesos xudiciais abertos que teñen relación con concellerías e departamentos municipais.

También te puede interesar