A oposición no Parlamento de Galicia secundou, en conxunto, unha proposición non de lei presentada polo BNG na que se reclamaba ao Goberno galego información sobre os criterios e o calendario do traslado de persoal e servizos ao novo Hospital de Vigo.
A deputada do BNG Montse Prado advertiu de que a “alarma” en torno ao novo hospital vigués “non fai máis que elevarse”, xa que os profesionais e os cidadáns descoñecen os prazos e o modo en que se trasladarán os servizos a estas novas instalacións.
Por iso, pediu ao Servizo Galego de Saúde (SERGAS) que “dea explicacións e un cronograma claro de cual vai ser a implantación” de servizos neste centro e asegurou encontrarse “estupefacta” por carecer desta información a pouco máis dun mes do inicio do devandito traslado, segundo anunciou o presidente Feijóo.
“Preocúpanos porque non está garantida esa continuidade asistencial”, apuntou a deputada do BNG, ao tempo que criticou a falta de información cara aos cidadáns e os propios profesionais sanitarios e reclamou coñecer a dotación de servizos e cadro de persoal que terá o Álvaro Cunqueiro.
