Ciencia y Tecnología Vigo al día

Pechados 15 polígonos de bateas nas rías de Vigo, Pontevedra e Muros-Noia, pola aparición de biotoxina

BateasA aparición de biotoxina obrigou a pechar un total de 15 polígonos de bateas de mexillón, así como a 13 bancos marisqueiros nas rías de Vigo, Pontevedra e Muros-Noia.

Así o decidiu o Instituto Tecnolóxico para o Control do Medio Mariño de Galicia (Intecmar) nas últimas horas, entre os que se atopan catro polígonos de mexillón de Cangas (A,B,D,E), cinco en Redondela (A,B,C,D,E), tres en Muros (A,B,C), dous en Portonovo (A,C) e un en Noia (A).

Entre os bancos marisqueros, decretouse o peche nos polígonos de infaunales (ameixa e berberecho), catro na ría de Vigo, catro na de Pontevedra e tres na de Muros-Noia. No tocante a pectínidos, hai peche na ría de Vigo para zamburiñas e volandeira. Ademais péchase un polígono para a extracción de ostra na ría de Vigo.

A toxina chegou de forma masiva ás rías de Vigo, Pontevedra e Muros-Noia, aínda que a que resiste á súa aparición é a da ría de Arousa.

Os últimos peches para a extracción de mexillón na ría de Vigo únense aos catro decretados a principios de abril en polígonos Cangas, o que produce que a ducia de polígonos desta ría atopen pechados, ademais do destinado a ostra. Tamén se atopan pechados os cinco de infaunales.

También te puede interesar