O secretario xeral do Partido dos Socialistas de Galicia (PSdG) e presidente da Deputación de Lugo, confirmou este mércores que non irá nas listas do seu partido ás elecións municipais e que, por tanto, non seguirá á fronte da Deputación. José Ramón Gómez Besteiro, nunha intervención este mércores no ‘Fórum Europa. Tribuna Galicia’, subliñou que centrará todos os seus esforzos na construción do roxecto do PSdG para Galicia.
Na mesma intervención, Besteiro avanzou parte do seu programa como candidato á Presidencia do Goberno galego, que abrangue a reorientación do gasto da Xunta para atender os servizos sociais, recuperar o “galeguismo de base económica, que aproveite as potencialidades como territorio e do país coa súa propia identidade”.
