Os 2.843 chineses residentes en Galicia darán a benvida o próximo xoves, día 19, ao Ano Novo Chinés, o ‘Ano da Cabra’, no tradicional Festival de Primavera, a celebración máis relevante do seu calendario.
En distintos puntos do Estado, a comunidade chinesa -formada por 185.250 persoas,- organizará distintas actividades para celebrar a chegada do ano novo.
Por comunidades, Madrid e Cataluña rexistran a maior concentración de poboación chinesa residente -49.549 e 49.669 persoas, respectivamente– seguidas de Andalucía (19.341), Comunidade Valenciana (10.386), Canarias (9.191), Aragón (5.471), Euskadi (5.229), Castela-A Mancha (5.169), Baleares (4.721), Galicia (2.843), Murcia (2.085), Castela-León (1.769), Extremadura (1.494), Navarra (1.372), Cantabria (1.044), Asturias (780) e La Rioja (626).
