A neve que ainda hai en parte da rede viaria galega obriga a circular este luns con cadeas pola estrada LU-633 e a extremar a precaución na autovía A-6 ao seu paso por Pedrafita do Cebreiro e na A-52 na provincia de Ourense.
Segundo informa a Dirección Xeral de Tráfico (DGT) na zona da LU-633, no Alto do Poio, os turismos necesitan cadeas para circular e está prohibido o paso a camións e autobuses. Ademais, na autovía A-6 ao seu paso polo municipio da montaña lucense de Pedrafita do Cebreiro, entre os quilómetros 420 e 440, a DGT indica que hai que extremar a precaución.
A neve condiciona a circulación pola autovía A-52 na provincia ourensana, entre os quilómetros 112 e 130, que abranguen a zona do límite coa provincia de León coa de Ourense.
