Traballadores de REGAKI-COGAMI, co apoio de representantes da CIG-Servizos pechábanse contra o mediodía deste xoves nas dependencias de Galega de Economía Social para exixir o pago dos seus salarios e que se manteñan os postos de traballo. Alí mesmo, e antes de ser desaloxados pola policía, puideron falar co vicepresidente de COGAMI e conselleiro delegado de GES, Ramón Sestayo quen, segundo os concetrados, respondeu ás súa demandas deciendo, “me suda los cojones si estáis sin cobrar”.
“¿Como pode, o directivo dunha empresa de economía social que ten como fin favorecer a integración de persoas con discapacidade, contestar deste xeito a un colectivo especialmente sensíbel, que padeceu durante todos estes anos unha enorme precariedade laboral, cobrando arredor de 600€, e grazas aos que obtiveron subvencións millonarias da Xunta?”, se pregunta Carminha Naveiro, membro da Executiva da CIG-Servizos.
Para Naveiro, máis alá dunha falta de respecto e dun insulto, o esta frase “é unha mostra da indecencia” da dirección desta empresa e da absoluta “falta de sensibilidade” cara todo o colectivo de traballadores que leva desde o mes de novembro sen cobrar e que “xa non poden pagar nin as facturas nin os medicamentos”, para moitos deles esenciais ao padecer enfermidades crónicas.
A iso hai que engadir, salientou Carminha Naveiro, o risco que corren de quedar na rúa se finalmente o ERE extintivo proposto por REGAKI vai adiante, motivo polo que se pecharon nas oficinas da cales foron desaloxados pola Policía, “en menos de media hora logo da chamada da empresa”.
