Un incendio rexistrado na parroquia de Ramilo do concello ourensano de Viana do Bolo quedou controlado a última hora do domingo. Segundo a Consellería do Medio, o lume comezou sobre a 1 e media e, segundo as primeiras estimacións, a superficie afectada é dunhas 20 hectáreas de monte raso, situado en Rede Natura.
Nos traballos de extinción das lapas participan tres axentes forestais, cinco brigadas, unha motobomba e un helicóptero, indicou o departamento autonómico.
A Consellería lembra que está a disposición da cidadanía o número de teléfono gratuíto 085, ao que deben chamar en caso de detectar algún incendio forestal.
