O presidente da Fundación Alexandre Bóveda, Fernando Quintela Nóvoa, morreu este domingo aos 98 anos de idade, segundo informou nun comunicado o secretario desta entidade. Valentín García Bóveda-neto de Alexandre Bóveda– lembrou o «traballo» realizado por Quintela Nóvoa en favor tanto da Fundación coma de Galicia que «hoxe segue necesitando exemplos de firmeza e de consenso».
Nacido en 1916 en Vilagarcía de Arousa, Fernando Quintela Nóvoa «practicaba o galleguismo ata onte mesmo coa promiscuidade dun adolescente», destacou Valentín García, ao tempo que garantiu que pasará á «memoria colectiva» como «un Bo e Xeneroso».
